Иу ахæм ахуырадон центр ныридæгн байгом Горæтгæрон районы
Фидæн аразгæ у инновацион технологитæй. Уый та ууыл дзурæг у, æмæ сыл хъæуы иумæйаг хъарутæй кусын. Ацы аз Цæгат Ирыстоны фæфылдæр уыдзæн, «Точка роста» кæй хонынц, ахæм объектты нымæц. Бафтаудзæн ма сыл 22 центры. Иу ахæм ахуырадон центр ныридæгн байгом Горæтгæрон районы.
Фыццаг медицинон æххуыс бакæныныл ныр сахуыр кæнæн ис скъолайы дæр. Тадтаты Миланæ уыцы сусæгдзинæдтæ исы се скъолайы Точка ростайы бындурыл. Фидæны йæ фæнды дохтыр суæвын. Æмæ йæ уырны æдасдзинады урочытæ йæ æнæмæнг кæй бахъæудзысты, уый.
Ног технологитæй фидарæй пайда кæнынц Горæтгæрон районы се ппæт скъолаты дæр. Иу сæрдмæ Точкæ ростæ ифтонггонд æрцыд æппæт хъæугæ фæрæзтæй. Æппæт ахуыртæ цæуынц хайгай, сывæллæтты адих кодтой къордтæм гæсгæ.
Сæрмагонд 3 хайадæй фæстæмæ ма Дæллаг Санибайы ис шахмæтты клуб. Нырыккон сывæллæтты хъæуынц ног технологитæ – квадракоптертæ, три дэ принтертæ, царды чи нæй ахæм дуне феныны кæсæнцæстытæ, трансформер ноутбуктæ æмæ афтæ дарддæр. Æппæт уыдон сты национ проект «Ахуырад»-ы фæлгæты Точка роста кæй хонынц, уым. Гом сæ кæнынц республикæйы скъолаты. Ам сабиты ахуыр кæнынц нырыккон технологон фæрзтæй пайда кæныныл.
Скъолайы сбæрæг вæййы сывæллонмæ цымыдисдзинад цæмæ ис, уый. «Точка роста» та хорз фæрæз у йæ курдиат райхалынæн
