Стыр ахуыргонд уæвгæйæ, ацы къабазы бацæттæ кодта æмæ уæрæх фæндагмæ ракодта хорз специалистты
Цæгат Ирыстоны ацыд зындгонд советон физик Дедегкаты Тазреты номарæн наукон-иртасæн куыстыты æрвылазон конкурс. Дедегкаты Тазрет ныммыхуыр кодта сæдæ наукон куыстæй фылдæр. Стыр ахуыргонд уæвгæйæ, ацы къабазы бацæттæ кодта æмæ уæрæх фæндагмæ ракодта хорз специалистты. Бирæтæ дзы систы зындгонд иртасджытæ. Техникон наукæты кандидаты сæйраг ахуыргæнинаг уыд йæ фырт – Дедегкаты Алыксандр. Йæ хъæппæрисмæ гæсгæ, ныр 16 азы æрыгон иртасджытæн фадат ис сæ тыхтæ æртæ номинацийы фæлварынæн. Уый, информатикæйæ, электроникæйæ æмæ физикæйæ. Ацы аз конкурсы архайдтой Цæгат Кавказы хæххон-металлургон институты, ЦИПУ-йы æмæ Бауманы номыл Мæскуыйы паддзахадон техникон университеты студенттæ. Уæлахиздзаутæ æмæ призертæ хорзæхгонд æрцыдысты дипломтæ æмæ хцайы премитæй.
