Зæгъæм, гом кæнынц центр «Точка Роста»-йы кабинеттæ
Цæгат Ирыстоны дарддæр цæуы ахуырады рæзтыл куыст. Зæгъæм, гом кæнынц центр «Точка Роста»-йы кабинеттæ. Архайынц дзы республикæйы хъæуты скъоладзаутæ дæр. Центртæ ифтонг сты нырыккон æмæ цымыдисаг æрмæгæй. Сæ алкæцы дæр дзы пайда у сывæллоны зондахаст фылдæр кæнынæн. Цы хуызы æмæ куыд, уый та Сосранты Жаннæ федта Æрæфы районы Цыколайы фыццæгæм скъолайы.
Цыколайы фыццæгæм скъолайы ахуырдзаутæ цин кæнынц се нтыстдзидтыл. «Точка Роста» -йы фæзындимæ, сæ гæнæнтæ æмæ зонындзинæдтæ фæфылдæр сты. Цы фондз азы кусы ахуыргæнæндоны, уæдæй сывæллæттæ бирæ нырыккон хъуыддæгтæ аразыныл сахуыр сты. Уыимæ сæ ныфс хæссынц Уæрæсейы, республикæйы æмвæзады ерысты сæхи фæлварынмæ. «Точка Роста»-йы ахуырдзаутæ фыццаг бынæттæ райсынц алы хуызы ерысты. Хъиргъуыты Дзерассæ «Точка Роста»-йы кæд афæдзæй фылдæр нæй, уæддæр ын бантыст æппæтуæрæсеон ерысты 83 регионы хсæн фыццаг бынат райсын. Бавæрæн Planetary-йы Дзерассæ сарæзта музыкалон скъолайы 3d-дизайн- гитарæйы хуызы. Дыккаг бынат та райстой компьютерон дизайны ерысты Воронежы
Сывæллон куы æнкъара ахуыргæнæг йемæ зæрдиагæй кæй кусы, уый, уæд æм цымыдисдзинад æвзæрын кæны ам архайын. Цыколайы «Точка Роста»-йы сæргълæууæг Фейзулаты Светланæ сабиты разæнгард кæны фылдæр хъуыддæгтæ къухы бафтыйынмæ. Сæхы сын æвзарын кæны æппæт хъуыддæгты дæр. Уыдон та дзы сты дзæвгар- шахмæттæ, медиа кълас, робототехникæ, 3D принтерæй архайын.
Ацы ногдзинадыл та уæлдай цин бакодтон. Скъолайы агъоммæ сывæллæттæ ардæм æрбацæугæйæ сæхи банкъарынц диссæгты бæстæйы.Тынг фенхъæлмæ кæсынц ардæм æрбацæуыны бонмæ, зæгъы Цыколайы рæвдауæндон «Солнышко» -йы хъомылгæнæг Медойты Иринæ.
Куыд алы хъуыддаджы, афтæ ам дæр йæ райдайæн куыд зын уыд, йæ дарддæры архайд та уыйбæрц æхцондзинад хæссы куыд ахуырдзаутæн, афтæ ахуыргæнджытæн дæр.
«Точка Роста»-йы кабинетты ма сæ уроктæ фæцымыдиссагдæр кæнæн ис иннæ предметты ахуыргæнджытæн дæр, æмæ дзы ам пайда кæнынц.
Республикæйы районты хъæуты «Точка Роста»-йы кабинеттæ кæй фæзынд, уый стыр къахдзæф у фидæны кæстæрты зондахаст фылдæр кæнынмæ. Уымæн æвдисæнтæ ныр дæр фенæн ис, фæлæ куыд фæзæгъынц – куыд дарддæр афтæ та фылдæр.
