Ветеринартæ сын кæнынц профилакткион прививкæтæ æмæ диагностикæ
Цæгат Ирыстоны дарддæр цæуы хъæууонхæдзарадон цæрæгойты æмæ мæргъты вакцинаци тæссаг инфекцитæй. Ветеринартæ сын кæнынц профилакткион прививкæтæ æмæ диагностикæ. Специалисттæ республикæйы хæдзарæдтæ куыд хъахъхъæнынц, уый тыххæй радзурдзæн Хъайтмазты Дзерассæ.
Октябрьскæйы ветеринарон хайады кусджытæ Дзанайты Кристинæ æмæ Анастасия Николаенко æмбырд кæнынц препараттæ æмæ цæуынц мæргъты гриппы ныхмæ вакцинаци кæнынмæ. Уый у хъæугæ мадзал.
Республикæйы 8 мин хи хæдзарады дарынц 178 мин хæдзарон маргъæй фылдæр. Алкæмæндæр хъæуы скæнын укол тæссаг низы ныхмæ. Вакцинаци æххæстгонд цæуы диагностикон иртæстыты афæдзы пъланмæ гæсгæ.
Сыбираг талæуы ныхмæ профилактикон вакцинаци ма у паддзахадон ветеринарон службæйы иу ахсджиаг хæс. Ныртæккæ уæлдай тæссаг низы ныхмæ вакцинæ райстой 88 мин цæрæгойæ фылдæр. Куыст дарддæр æххæстгонд цæуы.
æрмæст ивгъуыд къуыримæ республикæйы ветеринартæ тæссаг низты ныхмæ прививкæтæ скодтой 18 мин цæрæгойæ фылдæрæн. Тарниз диагностикæгæнæн нысанимæ æххæстгонд æрцыд стурвосы 2 мин 667 иртæсты.
Дарддæр цæуы, цæрæгойты системæ «Хорриот»-мæ хæссыны куыст. Уый у, хъæууонхæдзарадон цæрæгойты æнæмæнг паддзахадон хыгъд маркировкæ кæныны æмæ бæрæггæнæнтæ иумæйаг реестрмæ хæссыны фæрцы.
Абоны онг Цæгат Ирыстоны системæ «Хорриот»-мæ хаст æрцыд, лыстæг æмæ стурвосы 117 мины æмæ рдæг сæры онг, бæхты 2 мин æмæ рдæг, стæй хъæууонхæдзарадон мæргъты милуан сæрæй фылдæр. Алы цæрæгоимæ дæр хъуамæ ветеринартæ кусой, республикæйы зæрдæмæдзæугæ уавæр бахъахъхъæнынæн.
