Скъоладзауты зонгæ кæны, йæ хæстон хæстæ * ххæстгæнгæйæ лæгдзинад чи равдыста, уыцы æфсæддонтимæ
Цæгат Ирыстоны дарддæр цæуы патриотон акци «Герой с нашего двора». Скъоладзауты зонгæ кæны, йæ хæстон хæстæ * ххæстгæнгæйæ лæгдзинад чи равдыста, уыцы æфсæддонтимæ. Ахæм фембæлд арæзт æрцыдис Æрыдоны районы сержант Бураты Станиславимæ. Æфæддон хорзæхджын у 1 къæпхæны «Хъæбатырдзинады» майданæй. Бæстондæр хабæрттæ радзурдзæн Чехойты Фатимæ.
Æрыдоны бынæттон администрацийы залы – æфсæддонтæ, дины кусджытæ, æхсæнадон организациты минæвæрттæ. Æнхъæлмæ кæсынц, йæ хæстон хæстæ æххæстгæнгæйæ чи фесгуыхт, ахæм æфсæддонмæ.
Бураты Станислав фервæзын кодта цалдæр цæф хæстоны. Йæхиуыл дæр сæмбæлд знаджы нæмыг, фæлæ уæддæр дарддæр æххæст кодта йæ хæс. Уæрæсейы президенты Указмæ гæсгæ Бураты Станислав хорзæхгонд æрцыдис 1-аг къæпхæны «Хъæбатырдзинад»-ы майданæй. Патриотон акци «Герой с нашего двора» Цæгат Ирыстоны цæуы Хуссар æфсæддон зылды æфсады къамандыгæнджыты хъæппæрисмæ гæсгæ. Мадзалы сæйраг нысан – æрыгон фæлтæры зонгæ кæнын хъæбатыр хæстонтимæ.
Кадджын мадзал арæзт æрцыдис Бураты Станиславы райгуырæн хъæу Хъæдгæроны скъолайы. Суворовон училищейы хъомылгæнинæгтæ уазджытæн равдыстой сæ фæлтæрдтæ фланкировкæйæ.
Хъæдгæроны скъолайы уазджытæ сарæзтой хъæбатырдзинады урок, ахуырдзаутæ та бацæттæ кодтой концертон программæ. Ахæм линейкæйы кæддæр лæууыдис Станислав йæхæдæг дæр.
Фембæлды кæрон йæ архайджытæ дидинджытæ сæвæрдтой æмхъæуккаг æфсæддонты цыртдзæвæныл. Акци «Герой с нашего двора»-йы фæлгæты мадзæлттæ арæзт цæудзысты дарддæр дæр.
