филиал вгтрк государственная телерадиовещательная компания “Алания”

17:21 пятница, 29 марта 2024
14 сентября 2022, 10:39
Цæгат Ирыстоны экономикæйы фидардзинад бæрзонддæр кæныныл ныхас цыд оперативон штабы æмбырды

Адæмæн социалон æххуысы гæнæнты тыххæй радзырдта фæллойы æмæ социалон рæзты министр Айдарты Алинæ

Санкциты уавæры Цæгат Ирыстоны экономикæйы фидардзинад бæрзонддæр кæныныл ныхас цыд оперативон штабы æмбырды. Адæмæн социалон æххуысы гæнæнты тыххæй радзырдта фæллойы æмæ социалон рæзты министр Айдарты Алинæ. Йæ ныхæстæм гæсгæ, республикæ фыццæгты æмрæнхъ райдыдта социалон контрактты бындурыл æххуыс кæнын. Программæмæ гæсгæ амалхъом архайдæн ныр дих кæндзысты 350 мин сомы онг, хи хæдзарад дарынæн – 200 мины, 4 мæйы дæргъы куыст агурыны рæстæгмæ фиддоны бæрц та уыдзæн 13 мин сомæй фылдæр. Уый тыххæй Цæгат Ирыстонæн федералон бюджетæй ацы аз радих кæндзысты субсиди – 210 милуан сомы бæрц. Республикæйы цæрджытимæ ныридæгæн бафыстой мин æртæ сæдæ фынддæс социалон контракты. Адæмæн куыст дæттыны комитеты сæрдар Платы Альбинæ радзырдта фæллойы базары æххуысы гæнæнты тыххæй. Ацы аз алыхуызон программæтæм гæсгæ бюджетон фæрæзты хардзæй ис профессионалон ахуырад  райсыны фадат. Дзанайты Барис загъта, адæмæн сæ бон кæй у, федералон æмæ регионалон æмвæзадыл æххуыс исын. Бадомдта, адæмимæ фылдæр æмбарынгæнæн куыст кæнын.

vgtrk_alania
vgtrk_alania
vgtrk_alania
vgtrk_alania