Нæ республикæмæ ссыдысты 20 адæмагæй фылдæр Уæрæсейы алы горæттæй. Æнæхъæн къуыри Куырттаты комы лæппутæ æмæ чызджытæ кæндзысты пейзажтæ.
Цæгат Ирыстоны фыццаг хатт арæзт æрцыд æппæтадæмон сфæлдыстадон фестиваль-конкурс «Ты – легенда». Нæ республикæмæ ссыдысты 20 адæмагæй фылдæр Уæрæсейы алы горæттæй. Æнæхъæн къуыри Куырттаты комы лæппутæ æмæ чызджытæ кæндзысты пейзажтæ. Æппæт куыстытæй жюрийы уæнгтæ равзардзысты хуыздæртæ. Фестивалы архайджытимæ нæ республикæмæ ссыдысты Мæскуыйы аивадон лицейы ахуыргæнджытæ. Фестиваль саразæг у – сывæллæтты рæзтæн æххуысы Фонд «Ты – легенда». Уæвгæ, фестиваль цæуы 6-æм хатт. Цæгат Ирыстон хуымæтæджы нæ равзæрстой. Тынг фæцыд сæ зæрдæмæ нæ рæсугъд æрдз. Фестиваль цæудзæн 17-æм июньмæ. Хуыздæр куыстытæ равæрдзысты Мæскуыйы аивадон лицейы равдысты.
