Уый тыххæй æрвылкъуырион аппаратон æмбырды фехъусын кодтой фæлхасадмæ цæстдарды управленийы специалисттæ
Цæгат Ирыстоны гриппæй рынчынты нымæц фæкъаддæр 16%. Уый тыххæй æрвылкъуырион аппаратон æмбырды фехъусын кодтой фæлхасадмæ цæстдарды управленийы специалисттæ. Уымæй уæлдай, ведомствæйы бæрæггæнæнтæм гæсгæ, афæдзы райдианæй нырмæ сбæрæг кодтой фадынæгæй 84 рынчыны. Æмбырды ныхас цыди иумæйаг паддзахадон фæлварæнтыл дæр. Республикæйы ахуырады æмæ наукæйы министр Алыбекты Эллæ куыд загъта, афтæмæй ныридæгæн æнтыстджынæй кусынц иумæйаг паддзахадон фæлварæнтæм цæттæ кæныны 13 лæвар центры. Сергей Меняйло бæхаста фæндон, ахæм центртæ республикæйы уæлдæр ахуыргæнæндæтты бындурыл дæр байгом кæнын. Сæргълæууæг цы хæстæ радта, уыдонæй сæ иу баст уыди рауагъдад «Ир» – имæ. Сæйрагдæр фарста раздæрау у Цомартаты Аннæйы агуырыны хъуыддаг. Цæгат Ирыстоны æнæнхъæлæджы цауты министрады хъусынгæнинагмæ гæсгæ, агурæн мадзæлтты архайы 77 адæймаджы æмæ техникæйы 17 иуæджы.