Турнир арæзт æрцыд Беслæны спортивон комплексы
Цæгат Ирыстоны хатдзæгтæ скодтой ленк кæнынæй республикон ерыстæн. Турнир арæзт æрцыд Беслæны спортивон комплексы. Ерыстæ сты, Хуссар æмæ Цæгат Кавказы федералон зылдты чемпионатмæ æвзарæн къæпхæн. Ацæудзæн октябры Астраханы. Хæрзиуджытæ рамбулыныл архайдтой, 16 азы, æмæ фылдæр кæуыл цæуы, ахæм 100 спорстменæй фылдæр. Дыууæ боны ленкгæнджытæ æвдыстой сæ арæхстдзинад 4 стилы: баттерфляй, брасс, фæсонтыл ленк, æмæ уæгъдибар стиль. Цæгат Ирыстоны иугонд командæйы сæйраг тренер Игорь Бутякин куыд радзырдта, афтæмæй ерысты хатдзæгтæм гæсгæ сбæрæг уыдзæн командæйы хыгъд. Уый нæ республикæйы кад хъахъхъæндзæн зоналон ерысты. Ныртæккæ сæхи цæттæ кæндзысты ног къæпхæнмæ. Сæйраг нысан – Хуссар æмæ Цæгат Кавказы федералон зылдты ерысты сæхи æнтыстджынæй равдисын.
