филиал вгтрк государственная телерадиовещательная компания “Алания”

Цæгат Ирыстоны исынц киноныв «Дух барса». Спортивон драмæ дзуры 13-аздзыд Батразы царды тыххæй. Лæппу сдзæбæх уæззау низæй. Ныр лæууы йæ бæллицы фæндагыл – фæнды йæ футболон академи «Алани»-мæ бахауын. Йæ зондамонæг у, йæ райгуырæн горæтмæ чи сыздæхт, ахæм профессионалон футболист. Сценарийы автор æмæ генералон продюсер у Соскъиты Зауыр, режиссер та – Олег Хамоков. Киноныв исынц Дзæуджыхъæуы уынгты, стадион «Спартаччы»,  футболон академи «Алани»-йы, стæй Цæгат Ирыстоны рæсугъддæр бынæтты.  Чи йыл кусы, уыдоны ныхæстæм гæсгæ «Дух барса» у æцæг адæмон киноныв, хонынц республикæйы цæрджыты дзыллон сценæты архайынмæ. «Дух барса» исыны рæстæг республикæйы аххæсдзæн августы астæумæ.