Уый тыххæй фехъусын кодтой аппаратон æмбырды
Цæгат Ирыстоны ивгъуыд къуырийы хыгъд æрцыди 40 зынгсирвæзты. Уый тыххæй фехъусын кодтой аппаратон æмбырды. Æрмæст ивгъуыд хуыцаубоны специалисттæ зынгсирвзтытæм рацыдысты 13 хатты. Сыгъдис-иу хус кæрдæг. Сергей Меняйло муниципалетты сæргълæуджытæн бахæс кодта, мидхъуыддæгты æмæ æнæнхъæлæджы цауты министрадтимæ иумæ хъуыддагмæ лæмбынæг цæст дарын.
Æмбырды ахсджиаг фарстатæй ма иу уыди республикæйы фæндæгты былгæрæтты уæзласæн машинæтæ кæй лæууы, уый. Сергей Меняйлойы хъуыдымæ гæсгæ ацы фарстайыл хъæуы бакусын. Ныртæккæ Арвы Комы фæндагыл ацæуынмæ радмæ æнхъæлмæ кæсынц 9 сæдæ уæзласæн машинæйæ фылдæр, 494 дзы лæуууынц сæрмагонд æрлæууæнты. Сергей Меняйло бахаста фæндон, цалынмæ сæрмагонд æрлæууæнты бынат не суæгъд уа, уæдмæ республикæйы арæнтæй ма хизын. Аппаратон æмбырды æрныхас кодтой регионы эпидемиологон уавæрыл дæр. Грипп æмæ æндæр хæцгæ низтæй рынчын адæмы нымæц фæкъаддæр, адæм рынчындæттæм æххуысагур цæуынц къаддæр. Ахуырад æмæ наукæйы министрады бæрæггæнæнтæм гæсгæ ныртæккæ æхгæд сты дыууæ рæвдауæндоны, стæй Мæздæджы районы дыууæ хицæн къласы. Ахуырадыл дзургæйæ Сергей Меняйло бахаста фæндон, алы районы дæр рауагъдонтæн иумæйаг паддзахадон фæлварæнтæм цæттæ кæныны центр саразын, ацы лæггæдтæ фæсивæдæн хъуамæ уой лæвар.
Республикæйы Сæргълæууæгмæ ма районты разамонджытæй бадомдта, сæ бæрны территоритæм бæрнондæр цæст дарын. Сергей Меняйло аиппдзинæдтæ æрхаста, Мызуры бырæттæ ласыны фарстамæ.
