филиал вгтрк государственная телерадиовещательная компания “Алания”

Цæгат Ирыстоны кадетон кълæстæ Стыр Уæлахизы бонмæ сæхи цæттæ кæнынц кадетон балмæ. Архайдзæн дзы 400 адæймагæй фылдæр. Æрæмбырд æм вæййынц кадеттæ, суворовонтæ, уазджытæ Цæгат Кавказы федералон зылды æппæт регионтæй. Кадетон балы программæйы уыдзысты куыд классикон кæфтытæ: полонез, вальс, кадриль, афтæ национ кафт «Симд» дæр. Цыколайы 2-æм скъолайы кадетон къласы ахуырдзаутæ кафдзысты вальс. Зæгъдзыстæм ма уый дæр, æмæ бал 4-æм хатт ацæудзæн Дзæуджыхъæуы Сæрибардзинады фæзы. Ныртæккæ лæппутæ æмæ чызджытæ иртасынц историон традицитæ, кусынц æппæт лыстæг хъуыддæгтыл. Ахæм мадзæлтты фæрцы рæзгæ фæлтæр хуыздæр æмбарынц патриотон хъомылад, æмæ афтæмæй се вæрæн хæссынц фыдыбæстæйæн лæггад кæныны хъуыддагмæ.