Куыстытæн ныридæгæн сæххæст кодтой се 80 проценты
Цæгат Ирыстоны кæронмæ æрхæццæ кæны Æрыдоны доны сæрты хиды арæзтад. Куыстытæн ныридæгæн сæххæст кодтой се 80 проценты. Фæндаггон управлени Кавказы пресс-службæ куыд хъусын кæны, афтæмæй ног цыппаррæнхъон фæндаг ратдзысты ноябыры кæронмæ. Ныртæккæ та подрядон куыстуат архайы объект æмгъуыдæй раздæр раттыныл, æмæ дзы æвæрынц сыгъдæггæнæн æмæ дондзæуæн фæрæзтæ. Фæндаг хъуамæ баиу кæной Транскамы магистралимæ.Уæллаг Бирæгъзæнджы цæрджытæн дзы сараздзысты дыууæ æрлæууæн бынаты автопавильонтимæ, уыдонимæ тротуартæ æмæ æнцойгæнæн бырутимæ. Уыимæ аивдзысты фæндаггон нысантæ æмæ асфальтыл скæндзысты ног хахнывтæ. Ныртæккæ та цы дыууæрæнхъон хид ис, уый та арæзтадон куыстыты фæстæ суыдзæнис фистæгæйцæуæн.