21 марта 2024, 12:01
Цæгат Ирыстоны компанийы систы Мæскуыйы туризмы индустрийы 30-æм æппæтадæмон равдысты экспозицийы архайджытæ
Нæ республикæйы номæй равдыст бацæттæ кодта регионалон Центр «Мой бизнес»
Цæгат Ирыстоны 6 компанийы систы Мæскуыйы туризмы индустрийы 30-æм æппæтадæмон равдысты экспозицийы архайджытæ. Нæ республикæйы номæй равдыст бацæттæ кодта регионалон Центр «Мой бизнес». Сæйраг нысан – туристон лæггæдты экспорты къабаз райрæзын кæнын. Туризмы равдыст у уæрæсейаг базарады сæ продукци æмæ лæггæдтæ чи парахат кæны, уыцы бæстæтæн, регионтæн æмæ компанитæн æппæтадæмон фæзуат. Равдысты архайджытæн æмæ уазджытæн фадат ис дунейы туристон ассоциациты минæвæрттимæ фембæлынæн, ацы къабазы раззагдæр куыстуæтты архайдимæ базонгæ уæвыны, стæй ног фæлхасгæнджытæ æмæ партнертæ ссарыны фадат. Равдыст йæ куыст фæуыдзæн абон.