Сæйраг партитæ акодтой колледжы рауагъдонтæ æмæ Мариинаг театры филиалы солисттæ
Цæгат Ирыстоны культурæйы колледжы студенттæ равдыстой спектакль “Кармен” Налцыччы музыкалон театры сценæйы. Постановкæйы архайдтой 30 артисты. Сæйраг партитæ акодтой колледжы рауагъдонтæ æмæ Мариинаг театры филиалы солисттæ. Хореографион спектаклы равдыст бацæттæ кодтой, дыууæвæрсыг гастрольты программæ æххæст кæнгæйæ. Апрелы та Налцыччы культурæйы æмæ аивæдты колледжы студенттæ сæ крудиат раргом кæндзысты Цæгат Ирыстоны. Зæгъдзыстæм ма уый дæр, æмæ “Кармен” Дзæуджыхъæуы æвæрд æрцыд 7 азы размæ. Уæд спектакль сси нæ регионы культурон царды уникалон цауыл нымад. 2017-æм азы постановкæ равдыстой Евгений Вахтанговы номыл театры Мæскуыйы, стæй уæд фæсарæнты дæр. Балеты спектакль сæвæрдта дунейы зындгонд хореограф, Литвайы музыкæйы æмæ кафты академийы доцент Анжелика Холина. Спектаклы алы фезмæлд дæр ирд æмæ дæнцæгæн хæссинаг. Уыимæ сурæттæ рауадысты мидисджын, пластикæ та æнахуыр, ома – бафæзмæн кæмæн нæй, ахæм.