Форум арæзт æрцыд сывæллæтты технопарк «Кванториум», курдиатджын сывæллæттимæ кусыны ресурсон центр æмæ республикæйы ахуырады æмæ наукæйы разамындæй
Цæгат Ирыстоны кусын райдыдта сывæллæтты республикон медиафестивалы фæсаууонмæйы къæпхæн. Форум арæзт æрцыд сывæллæтты технопарк «Кванториум», курдиатджын сывæллæттимæ кусыны ресурсон центр æмæ республикæйы ахуырады æмæ наукæйы разамындæй. Фестивалы арахайдзысты сфæлдыстадон къордтæ. Федералон проект «Алы сывæллоны æнтыстдзинад»-ы фæлгæты цы кусæнгæрзтæ райстой, уыдоныл сывæллæттæ сисдзысты æмæ смонтаж кæндзысты видеороликтæ сæ горæты, кæнæ районы тыххæй. Куыд архайдзысты, уымæ та сæ цæст дардзысты «Кванториум»-ы ахуыргæнджытæ. Командæты уæнгтæ ма хицæнæй райсдзысты чысыл хæслæвæрдтæ дæр. Фестивалы фæсауонмæйы къæпхæны уæлахиздзаутæ архайзысты кæронбæттæн мадзалы. Уым арæзт цæудзысты дæсныйадæвдисæг ахуыртæ, кæсдзысты дзы лекцитæ, командæтæн, ахуыргæнджытæн æмæ ныййарджытæн сараздзысты проектон куыстытæ.
