Мультидисциплинарон консилиумы сæйраг темæ уыди кардиологи
Цæгат Ирыстоны медицинон академийы арæзт æрцыди наукон-практикон конференци «Сердце Кавказа». Мультидисциплинарон консилиумы сæйраг темæ уыди кардиологи. Конференцийы фæлгæты сæ докладтæ бакæстысты Мæскуыйы, Санкт-Петербурджы, Ростовы, Астрæхæны æмæ Цæгат-Кавказы фæдæралон зылды регионты раззагдæр наукон-иртасæн центрты специалисттæ. Сæйраг нысан – алыхуызон дохтырты баиу кæнын, цæмæй иумæйаг хъарутæй ссарой зæрдæйы æмæ тугдадзинты низтæ дзæбæх кæнынæн æмæ сæ профилактикæйæн ахадгæ мадзæлттæ, æмæ дзы адæм къаддæр мæлой. Конференцийы архайдтой хирургтæ, кардиологтæ, æндæр дæсныйæдтыл хæст дохтыртæ æмæ медицинон академийы студенттæ. Æппæтадæмон наукон-проактикон конференци кæронбæттæн хатдзæгтæй специалисттæ баззадысты разыйæ.
