Архайдтой дзы Горæтгæрон районы æмæ Дзæуджыхъæуы ирвæзынгæнæн гарнизонтæ
Æрхъуыдыгонд таурæгъмæ гæсгæ, зынгсирвæзт ахуыссын кодтой. Цæгат Ирыстоны медицинон академийы арæзт æрцыдысты зынгсирвæзтыты ныхмæ тактикон ахуыртæ. Архайдтой дзы Горæтгæрон районы æмæ Дзæуджыхъæуы ирвæзынгæнæн гарнизонтæ. Уæлдай æргом аздæхтой студентты æмæ кусджыты эвакуацимæ. Уæлдæр ахуыргæнæндоны хæрæндоны электрон тыхдæттæг телтæ кæрæдзиуыл кæй андзæвыдысты, уый аххосæй æрцыд зынгсирвæзт. Уыимæ ахуырадон процессы рæстæг. Корпусы апарахат фæздæг. Уавæр уыди зын, уымæн æмæ бæстыхайы уыди бирæ адæм. Корпусы скуыста автоматизацигонд сигнализаци, æмæ бæрнон кусджытæ æвæстиатæй райдыдтой сæ хæстæ æххæст кæнын. Бæлвырддæр та бæстыхайæ ракодтой студентты æмæ ахуыргæнджыты. Фæлæ цыппар студенты фæздæджы аххосæй æвæстиатæй ракæнын нæ бантыст. Бынатмæ æрбахæццæ ис сæрмагонд техникæ æмæ специалисттæ. Райдыдтой зынгсирвæзт хуыссын кæнын. Уыцы-иу рæстæг ирвæзын кодтой адæмы. Архайдтой раст æмæ бæлвырд.
