филиал вгтрк государственная телерадиовещательная компания “Алания”

Цæгат Ирыстоны медицинон академийы дипломтæ райстой Индийæ 66 рауагъдоны. Уый уыди фæсарæйнаг студентты фыццаг стыр къорд. 6 азы ахуыр кодтой уырыссаг æмæ англисаг æвзæгтыл. Цæмæй академимæ ахуыр кæнынмæ бахауай, уый тыххæй студенттæ æвзарæн къæпхæн ацæуынц сæхи бæстæйы. Компани бадзырд бафыссы ирыстойнаг уæлдæр ахуыргæнæндонимæ. Æрвылаз Индийæ медицинон ахуырад райсынмæ нæ республикæмæ ссæуы 100 студенты онг. Сæ иу Манишæ, академи каст фæцис сырх дипломыл. Ныр чызг фæнд кæны Делимæ æрыздæхын, йæ  фæлтæрддзинад сфидар кæнын æмæ йæ райгуырæн горæты терапевтæй кусын.