Баст сты фæлхасгæнджыты газæй пайда кæныны уавæртимæ. Уый тыххæй йæ пресс-конференцийы радзырдта республикæйы мидхъуыддæгты министр Михаил Скоков.
Цæгат Ирыстоны Мидхъуыддæгты министрады экономикон æдасдзинады Управленийы кусджытæ сбæрæг кодтой цалдæр закъонхæлды.
Баст сты фæлхасгæнджыты газæй пайда кæныны уавæртимæ. Уый тыххæй йæ пресс-конференцийы радзырдта республикæйы мидхъуыддæгты министр Михаил Скоков. Афтæмæй хатдзæгтæ скодта ведомствойы афæдзы рдæджы куысты хатдзæгтæ. Территориалон участокты 4 хицауыл байгом кодтой 14 уголовон хъуыддаджы. Уымæн æмæ 2018-æм азы цалдæр мæймæ куыстуæттæн зиан æрхастой 150 милуан сомы аргъæн. Уый та хауы Уæрæсейы Федерацийы Уголовон кодексы 201-æм статьямæ, ома сæ бартæй, цас æмбæлы, уымæй фылдæр спайда кодтой. Æмтгæй райсгæйæ, министрад стыр æргом аздæхта артаджы æмæ энергетикæйы, стæй цæрæнуæтты-коммуналон хæдзарады къабазы закъонхæлдтытæ раиртасынмæ. Ведомствойы фыццаградон хæстæм хауы наркотикты æнæзакъон зилдухы ныхмæ тох. Ацы азы 6 мæймæ пъæлицæйы кусджытæ раргом кодтой 19 цауы, Уæрæсейы иннæ регионтæй нæ республикæмæ наркотиктæ кæцæй ластой, ахæм каналтæ. Уымæй дарддæр раиртæстой, накротиктæ кæм уæй кодтой, ахæм 3 бынаты. Активонæй куыст цæуы, наркотиктæ интернеты уылты куыд уæй кæнынц, ахæм схемæтæ фехалыныл. Афтæмæй сæхгæдтой 65 интернет-сайты æмæ интернет-сыфы. Михаил Скоков ма йæ хъуыдытæ загъта Цъыккаты Владимиры хъуыддаджы фæдыл дæр.
