Сты Дзæуджыхъæуы Гергиты Валерийы номыл аивæдты колледжы студенттæ
Цæгат Ирыстоны минæвæрттæ уæлахиздзаутæ систы XXI-æм фæсивæдон Дельфиайаг хъæзтыты Уæрæсейы. Сты Дзæуджыхъæуы Гергиты Валерийы номыл аивæдты колледжы студенттæ. Сæ къухы бафтыд стыр æнтыстдзинæдтæ, рамбылдтой дыууæ сызгъæрины æмæ дыууæ æвзист майданы. Лæппутæ æмæ чызджытæ сæхи бафæлвæрдтой номинаци «Национальные инструменты народов России»-йы. Сызгъæрин майданты хицæуттæ систы Сæлбиты Лианæ, стæй фæндырдзæгъдджыты трио Икъаты Давид, Хъæцмæзты Сæрмæт æмæ Плиты Ацæмæз. Æвзист майдантæ рамбылдтой Тедеты Азæмæт æмæ Хъæцмæзты Сæрмæт. Фестиваль цæуы Красноярскы. Знон уыд сфæлдыстадон форумы 5-æм æмæ кæронбæттæн бон. Мадзалы бацархайдтой 3 мин адæймаджы Уæрæсейы æппæт субъекттæй. Цæгат Ирыстоны кад дзы хъахъхъæдтой 12 адæймаджы. Семæ делегацийы разамонæг Абойты Хетæг стæй концертмейстер Суанты Альбинæ. Æдæппæтæй Дельфийаг хъæзтыты призы уыд хæрзиуджыты 100 комплекты.
