25 июля 2022, 10:48
Цæгат Ирыстоны Национ музейы фондтæ фæхъæздыгдæр сты рагон цардыуаг æвдисæг предметтæй
Уникалон экспонаттæ сын балæвар кодтой Дзæуджыхъæуы цæрджытæ Болæтаты Еленæ æмæ Гергарт Надель
Цæгат Ирыстоны Национ музейы фондтæ фæхъæздыгдæр сты рагон цардыуаг æвдисæг предметтæй. Уникалон экспонаттæ сын балæвар кодтой Дзæуджыхъæуы цæрджытæ Болæтаты Еленæ æмæ Гергарт Надель. Се хсæн: дины темæйыл фыст чингуытæ стæй аивадон литературæ. Фыст сты ивритыл 19-æм æнусы кæрон æмæ 20-æм æнусы райдиан. Ис ма дзы, абарæн кæмæн нæй, ахæм документ 19-æм æнусы райдианæй. У – Подольскы губернийы Тульчинæйы цæрынæн бардæттæг гæххæт. Музейы ма амæй фæстæмæ фенæн уыдзæн традицион ирон кæлмæрзæнтæ, хъæдæй конд хæцæнджын, зæрингуырдты дзаумæттæ, рагон къамтæ æмæ мигæнæнтæ. Æдæппæтæй музейы фондтæ фæхъæздыгдæр сты 35 экспонатæй.
темæмæ гæсгæ
