Сергей Меняйло фембæлд спортивон-ирхæфсæн парчы директор Гæбулты Сосланимæ æмæ адаптивон спорты эксперт Гæугаты Ирмæимæ
Сергей Меняйло хорзыл банымадта, йе нæниздзинад хъыгдард кæмæн у, ахæм сывæллæттæн спортивон фæзтæ саразыны хъæппæрис. Фехъусын ын æй кодтой спортивон-ирхæфсæн парчы директор Гæбулты Сослан æмæ адаптивон спорты эксперт Гæугаты Ирмæ. Семæ фембæлды рæстæг республикæйы Сæргълæууæг бафиппайдта, хъæппæрис царды рауадзыны тыххæй хъæуы социалон проектыл бакусын. Уый фæстæ спайда кæнын хъæуы паддзахадон æххуысæй. Сергей Меняйло зæрдæ бавæрдта, республикæйы рдыгæй бæстон æххуыс кæй цæудзæн, уымæй. Стæй ма бафтыдта – йе нæниздзинад хъыгдард кæмæн у, ахæм сывæллæттæн уавæртæ аразын у паддзахадон хæстæн сæ сæйрагдæртæй иу. Уымæ гæсгæ Цæгат Ирыстоны нысан кæнынц профилон физкультурон-дзæбæхгæнæн комплекс саразын.
