Дунейы зындгонддæр математиктæй иу иртасы ахсджиаг теоритæ
Цæгат Ирыстоны паддзахадон универсистеты арæзт æрцыд Австралийаг наукæты Национ академийы профессор Федор Сукочевимæ фембæлд. Дунейы зындгонддæр математиктæй иу иртасы ахсджиаг теоритæ. Зæгъын ма хъæуы уый дæр, æмæ раздæр дæр æмгуыстад кодта цæгатирыстойнаг ахуыргæндтимæ. Бæлвырддæр та – нæ университеты алгебрæйы æмæ анализы кафедрæйы раззагдæр наукон кусæг Плиты Маратимæ. Фарон Цæгат Кавказы байгом кодтой дунейы æмвæзады Наукон-ахуырадон математикон центр. Кусы æртæ уæлдæр ахуыргæнæндоны æмæ наукон организацийы бындурыл. Уыдон та сты: Цæгат Кавказы федералон университет, Цæгат Ирыстоны паддзахадон университет стæй Дзæуджыхъæуы наукон центр. Нæ республикæмæ балцы рæстæг Федор СукОчев архайдзæн наукон математикон сессийы. Уыдзысты ма дзы паддзахадон университеты кусджытæ æмæ студенттæ. Бафиппайын ма хъæуы уый дæр, æмæ центры сæйрагдæр нысантæй иу у – æрыгон иртасджыты ргом теоретикон математикæмæ здахын.
