Уый тыххæй агентад ТАССæн загъта университеты ректор Огъуаты Алан
Цæгат Ирыстоны паддзахадон университеты иннæ ахуыры аз райдайдзысты цæттæ кæнын историкон-культурон туризмы специалистты. Уый тыххæй агентад ТАССæн загъта университеты ректор Огъуаты Алан. Йæ ныхæстæм гæсгæ, регионы туризмы райрæзт рагæй домдта ахæм специалистæ, фæлæ ныртæккæйы рæстæг хъæуынц ноджы тынгдæр, уæлдайдæр мидæггаг туризмы райрæзты уавæрты. Студенттæ ахуыр кæндзысты Кавказы истори, музейты куыст, цæудзысты археологон æмæ этнографион практикæ, зонгæ кæндзысты туризмы маркетингимæ. Англисаг æвзаг ахуыр кæнгæйæ, уæлдай æргом здахдзысты туризмы къабазмæ. Бафиппайдзыстæм уый дæр æмæ фæстаг азты Цæгат Ирыстоны зынгæ сырæзт туристты бæрц. Ацы азы бæрæггæнæнтæм гæсгæ, нæ регионмæ æрбацыдысты астсæдæ мин адæймаджы бæрц.
