Уый та у милуан чиныгмæ хæстæг
Цæгат Ирыстоны паддзахадон университеты наукон библиотекæ нæ зонгæ кæны йæ хъæздыг фондимæ. Уый та у милуан чиныгмæ хæстæг. Цымыдисаг экспозици арæзт æрцыд, революцийы агъоммæйы 10 мин рауагъдæй. Уæдæ дзы фенæн ис стæм чингуытæ дæр. Зæгъæм, 1798-æм азы мыхуыры чи рацыд, ахæм уацмыс, ирон æвзагыл фыстæй.
Цæгат Ирыстоны Паддзахадон Университеты библиотекæйы равзæрдыл цæуы 100 азы. Уыцы рæстæгмæ дзы кæд бирæ ивддзинæдтæ æрцыд, уæддæр ахъаззагдæр уыд зын ссарæн цы чынгуытæ сты, уыдонæн фонд бакæнын. Йæ зæрдæ историмæ æмæ культурæмæ æвæрд кæмæн у, уый хъæугæ æрмæг ссардзæн библиотекæйы фонды. Сентябры 1 курсы студенттæ куы рбацæуынц, уæд уыдонæн дæр уæлдай цымыдисагдæр вæййы уыцы бынат.
Теджетты Аллæ, стæм чиныджы хайады сæргълæууæг: Когда в 20-ом году началась национализация всех общественных организаций, национализировали и книги. Большинство книг гуманитарного содержания перешли к нам. Очень много книг было из военных библиотек. Об этом свидетельствуют штампы на книгах. Фонд составляет около 10000 книг дореволюционных изданий.
Зын ссарæн чингуыты фонды сæргълæууæг Теджетты Аллæ бацæттæ кодта æнæхъæн экспозици. Ссарæн дзы ис канд ирон æвзаджы чингуытæ нæ, зæгъæм фыццаг дзырдуат, фæлæ ма суанг Николай Фыццæгæмы æмкъай Александра Федоровна цы чингуытæ касти, уыдон.
Чиныгдоны кусджытæ кæнынц æцæг иртасджыты куыст, цæмæй чингуыты истори базоной. Стемпельтæ æппæтыл нæй.
Цæгат Ирыстоны Паддзахадон университеты библиотекæйæн ис сайт дæр. Пандемияйы рæстæг уæлдай æххуыс уыд студенттæн.
Чиныгдоны кусджытæн æхсызгон вæййы, студенттæ сæм парæты фæстæ куы рбацæуынц, уæд. Компьютертæ кæмæ нæй, уыдонæн ис фадат библиотекæйы бакусынæн.
