Проект æххæст кæнынæн фадат фæзынд «Уырыссаг географион æхсæнад»-ы гранты фæрцы
Цæгат Ирыстоны паддзахадон университеты географийы æмæ геоэкологийы факультет стæй национ парк «Алани» райдыдтой ног экологон къахвæндагыл кусын. Проект æххæст кæнынæн фадат фæзынд «Уырыссаг географион æхсæнад»-ы гранты фæрцы. Маршруты тыххæй бæстондæр радзурдзæн Хъайтмазты Дзерассæ.
25 километры фæндæгты дæргъы Дыгургомы рæсугъд пейзажтæ. Наукон-иртасæн къорды хъуыдымæ гæсгæ, бирæмодулон маршрут хъуамæ сбæдта Уæрæсейы субъекттæ æмæ сыхаг бæстæты арæнтæ.
Къахвæндаджы 5 модулы райдыдтой Хурыскæсæн Дыгуры. Маршрут цæуы Мацутæ, Махческ, Фæснал, Къæмунта æмæ Галиатыуылты. Ацы проектыл кусын райдыдтой 6 мæйы размæ. Куыстытæ ма ныридæгæн дæр æххæстгонд цæуынц. Сæйрагдæр къæпхæнтæй иу – къахвæндаджы паспорт саразын. Уый фæрцы туристтæн сæхи бон уыдзæн маршрутыл ацæуын.
Экологон къахвæндаджы фыццаг пункт – Айгомугидоны цæугæдон. Къорды нысан у gps-навигатормæ географион координатæтæ бахæссын æмæ æрфыст радтын.
Пъланмæ гæсгæ экомаршрутыл уыдзæн 20 æрлæууæны. Се *хсæн нырыккон нывгæнджытæ кæй скодтой, ахæм арт-объекттæ дæр.
Цымыдисаг у, æрмæст æрдз нæ, фæлæ ацы бынæтты истори дæр. Рагон ингæнтæ, дзæппазтæ, мыггаджы æмæ хъахъхъæнæг мæсгуытæ, суанг ма петрОглифтæ дæр. Борисенковты бинонтæ сæ фæлладуадзæн рæстæг радон хатт сфæнд кодтой хæххон балцтимæ сбæттын. Дмитрийы ныхæстæм гæсгæ, раздæр уыдысты Турчы, Хъырымы, Сочийы.
Аграрон колледжы студенткæ Тыбылты Валерияйы хъуыдымæ гæсгæ, регионы экотуризмæн хорз гæнæнтæ ис. Æрдзон æмæ историон объекттæ бахъахъхъæнын, туристон æдасдзинады фарстатæ сты, æрыгон специалист цы кусæг къорды хыгъды ис, уый раз æвæрд.
ыгургомы æрвылаз вæййы 20 мин туристæй фылдæр, се *хсæн фæсарæйнаг уазджытæ дæр. Уымæ гæсгæ маршруты парспорт фæнд кæнынц фæсарæйнаг æвзæгтæм дæр ратæлмац кæнын.
