филиал вгтрк государственная телерадиовещательная компания “Алания”

«Уæрæсейы æппæтадæмон бастдзинæдты трансформаци нырыккон уавæрты æмæ Цæгат Ирыстоны бынат уыцы процессты». Цæгат Ирыстоны паддзахадон университеты уыд ацы темæимæ баст наукон-практикон конференци. Мадзал баст уыд Уæрæсейы наукæйы æмæ Уæрæсейы дипломатийы бонимæ. Бацæттæ йæ кодта æппæтадæмон ахастдзинæдты факультет æмæ Уæрæсейы фæсарæйнаг хъуыддæгты министрады минæварад Дзæуджыхъæуы. Конференцийы бакастысты докладтæ Уæрæсейы ахастдзинæдты райрæзты тыххæй Сомихимæ, Иранимæ æмæ Китаимæ, стæй БРИКС-мæ гæсгæ æмгуыстады тыххæй. Мадзалы архайдтой хицауадон оргæнты, æхсæнадон æмæ ахуырадон организациты минæвæрттæ, фæсарæйнаг эксперттæ.