Æркастысты менюмæ, хæринæгты хæрзхъæддзинадмæ, санитарон домæнтæ куыд æххæстгонд цæуынц, уымæ
Цæгат Ирыстоны парламенты депутаттæ сбæлвырд кодтой, республикæйы скъолатæ хæринагæй куыд æххæст кæнынц, уый. Æркастысты менюмæ, хæринæгты хæрзхъæддзинадмæ, санитарон домæнтæ куыд æххæстгонд цæуынц, уымæ. Ахæм мониторингтæ систы традицион. Бæлвырддæр радзурдзæн Хъайтмазты Дзерассæ.
Купаттæ пырындзимæ æмæ халсартимæ æрмæстдæр ацы бон. Меню парахат у. Ирон чъиритæ, хъæрмхуыппытæ, макъаронтимæ котлеттæ, дыргътæ. Ахуырдзауты рацион бацæттæ кæнынц 20 бонæн. Заводскойы 34-æм скъолайы ис 815 ахуырдзауы. Сывæллæттæ куыд зæгъынц, афтæмæй хæрæндоны ирон чъиритæ кæй фæзынд, уый сын уæлдай æхсызгон у.
Цæгат Ирыстоны Парламенты депутаттæ сбæлвырд кодтой, республикæйы скъолатæ хæринагæй куыд æххæст кæнынц, уый. Мониторингы рæстæг се ргом здæхтой менюмæ, хæринæгты хæрзхъæддзинадмæ, санитарон домæнтæ куыд æххæстгонд цæуынц, уымæ. Сæ бæрæггæнæн лæвæрдтой æрмæст дегустацийы фæстæ.
Меню сфидар кæны скъолатæн хæринаггæнæн комбинат. Уым алцыдæр цæттæ кæнынц стандарттæм гæсгæ. Хæринæгты иу хай 34-æм скъоламæ æрбаласынц комбинатæй, иннæтæ та цæттæ кæнынц ам.
Эксперттæ аргъ скодтой скъолайы бындурон цалцæгæн дæр. Æрмæст кълæстæ не сног кодтой, фæлæ хæрæндон дæр. Бындурон цалцæджы фæстæ фæуæрæхдæр ис.
Дзæуджыхъæуы 42-æм скъолайы та бындурон цалцæгмæ нырма æнхъæлмæ кæсынц. Бæстон куыстытæ дзы 30 азæй фылдæр нæ уыд. Скъолайы ахуыр кæны мин æмæ 500 сывæллонæй фылдæр. Уыдонæй 800 – райдиан кълæсты. Мониторингы рæстæг депутаттæ базонгæ сты ахуырадон процессимæ, аргъ скодтой хæрæндæтты техникон гæнæнтæн.
Райдиан скъолайы ахуырдзауты лæвар тæвд хæринагæй æххæст кæныны закъон фидаргонд æрцыд 2020-æм азы. Уæдæй фæстæмæ ацы фарстамæ сæрмагонд цæстдард ис. Ахæм мониторингтæ систы традицион. Депутаттæ куыд зæгъынц, афтæмæй азæй-азмæ уавæр хуыздæрырдæм ивы.
Парламенты депутаттæ зæрдæ бавæрдтой, ахæм бæлвырдгæнæн мадзæлттæ æрмæст Дзæуджыхъæуы нæ араздзысты, фæлæ республикæйы районты дæр. Æппæт фиппаинæгтæ æмæ амынддзинæдтæ æрвыст æрцæудзысты профилон ведомствæтæм.
