06 июля 2022, 12:20
Цæгат Ирыстоны радон хатт ацæудзæнис æрыгон политологты цыппæрæм форум
Йæ саразджытæ сты социалон иртæстыты экспертон институт æмæ фæсивæды федералон агентад
Цæгат Ирыстоны радон хатт ацæудзæнис æрыгон политологты цыппæрæм форум. Йæ саразджытæ сты социалон иртæстыты экспертон институт æмæ фæсивæды федералон агентад. Йæ архайджыты йын æвзардзысты конкурсмæ гæсгæ. Фыццаг къæпхæны курдиæттæ бадæттын хъæудзæнис сайт Молодежь России-йы уылты. Регистраци уыдзæнис 11 июльмæ. Дыккаг къæпхæны та кæй равзарой, уыцы фæсивæды хъæудзæнис сæххæст кæнын бæлвырд хæслæвæрдтæ. Форумы архайыны бар ис политикон дæсныйады специалисттæн, аспиранттæн, ахуыргæндтæн æмæ социалон-гуманитарон иртæстыты къабазы чи кусы, уыцы адæмæн. Архайджыты кар у 35 азмæ.