Йæ нысан у бынæттон хиуынаффæйады оргæнты куыст сбæрæг кæнын, хуыздæр мадзæлттæ равзарын æмæ сæ дарддæр парахат кæнын
Цæгат Ирыстоны райдыдта Хуыздæр муниципалон практикæйы æппæтуæрæсеон конкурсы регионалон къæпхæн. Йæ нысан у бынæттон хиуынаффæйады оргæнты куыст сбæрæг кæнын, хуыздæр мадзæлттæ равзарын æмæ сæ дарддæр парахат кæнын. Конкурсы къамисы æмбырд амыдта Дзанайты Барис. Хицауады премьер куыд фехъусын кодта, афтæмæй курдиæттæ исдзысты 25-æм июльмæ. Ацы аз Цæгат Ирыстоны бынæттон хиуынаффæйады оргæнтæ ерыс кæндзысты фондз номинацийы. Уæ зæрдыл уын æрлæууын кæндзыстæм – 2021-æм азы Цæгат Ирыстон конкурсы райста дыууæ хæрзиуæджы. Ираныхъæу бацахста фыццаг бынат национ ахастдзинæдтæ фидар кæныны номинацийы, Ногир та райста æртыккаг бынат цæрджытимæ æмархайды къабазы. Уыцы номинацийы 2022-æм азы æртыккаг бынат бацахста Ираныхъæу дæр. Æмбырды бæрæггæнæнтæм гæсгæ, Дзанайты Барис муницпалон скондты разамонджытæн загъта, цæмæй фæахадгæдæр кæной конкурсы регионалон къæпхæны архайд æмæ афойнадыл бадæттой хъæугæ документтæ.