07 февраля 2023, 11:38
Цæгат Ирыстоны райдыдта «Ирон æвзаг æмæ литературæйы хуыздæр ахуыргæнæджы» регионалон профессионалон конкурс
Мадзал æххæстгонд цæуы ахуыргæнæджы æмæ хъомылгæнæджы афæдзы фæлгæты
Цæгат Ирыстоны райдыдта «Ирон æвзаг æмæ литературæйы хуыздæр ахуыргæнæджы» регионалон профессионалон конкурс. Мадзал æххæстгонд цæуы ахуыргæнæджы æмæ хъомылгæнæджы афæдзы фæлгæты. Конкурсы архайы республикæйы 23 ахуыргæнæджы, сæ профессионалон æууæлтæ æвдисдзысты 3 къæпхæнæй. Уæлахиздзауты æмæ призерты сбæрæг кæндзысты фæлтæрдджын жюрийы уæнгтæ. Фæлтæрæнты фæзтæ уыдзысты Дзæуджыхъæуы 27-æм скъола æмæ Алайнаг гимназ. Хуыздæр ахуыргæнæджы номы аккаг чи суа, уый та Цæгат Ирыстоны кад хъахъхъæндзæн финалы æппæтуæрæсеон къæпхæны, ацæудзæн сентябры Хъæрæсе-Черкесийы.
темæмæ гæсгæ