Мадзал у æрвылазон, ацы хатт баст у Советон Цæдисы хъæбатыр Доййаты Давиды номимæ
Цæгат Ирыстоны райдыдта Цæгат Кавказы федералон зылды чемпионат пневматкон хæцæнгарзæй æхснынæй. Мадзал у æрвылазон, ацы хатт баст у Советон Цæдисы хъæбатыр Доййаты Давиды номимæ. Снайпер Фыдыбæстæйы Стыр хæсты рæстæг йæхи равдыста хъæбатырæй. Ерысты архайы 100 адæймагæй фылдæр. Традицимæ гæсгæ сæ арæхстдзинад равдыстой Цæгат Кавказы суворовон æфсæддон училищæйы ахуырдзаутæ, стæй уымæй уæлдай, республикæмæ ссыдысты Стъараполы крайы, Кæсæг-Балхъары, Дагестаны æмæ Цæцæны республикæты спортсментæ дæр. Ерысты дыууæ дисциплинæйы: 180 æмæ 60 æхсты хæцæнгарзæй. Ерыстæ цæудзысты 15-æм ноябры онг. Хæцæнгарзæй æхсынæй ахуыртæ пайда сты куыд хистæртæн, афтæ рæзгæ фæлтæрæн дæр. Спортивон ерыстæ та сбæрæг кæндзысты тыхджындæры.
