Нырæй фæстæмæ ма регионы разамынды центры специалисттæ кусынц республикæйы цæрджыты курдиæттимæ
Цæгат Ирыстоны регионы разамынды Центр бæстон кæсы хицаудзинады оргæнты социалон хызтæм. Уыцы ивддзинæдтæ фыст сты республикæйы Сæргълæууæг Сергей Меняйлойы Указы. Нырæй фæстæмæ ма регионы разамынды центры специалисттæ кусынц республикæйы цæрджыты курдиæттимæ. Уымæй дарддæр ма регионы разамонæджы Указмæ гæсгæ центр аразы ахуыртæ, æмæ æххуыс кæны аккаунттæ рæзын кæнынмæ. Æххæстгæнæн хицаудзинады оргæнтæ та хъуамæ сæхи интернет-сыфты мыхуыр кæной сæ куысты тыххæй информаци, æмæ кæной дзуапдæттæн докладтæ. Афтæ иу афæдзмæ регионы управленийы центр бакуыста 10 мин курдиатæй фылдæрыл. Баст уыдысты цардархайды алы къабæзтимæ: вакцинаци, социалон лæггæдтæ, цæрæнуæтты-коммуналон фарстатæ æмæ афтæ дарддæр. Центры разамонæг Милдзыхты Сергейы ныхæстæм гæсгæ, ивддзинæдтæ хуыздæрыдæм фæбæрæг уыдзысты дыууæвæрсыг æмгуыстадыл.
