филиал вгтрк государственная телерадиовещательная компания “Алания”

Цæгат Ирыстоны сæргълæууæджы приз рамбулыны турниры районты къæпхæн райдайдзæн ацы мæй. Апрелы та уыдзæн иумæйаг республикон къæпхæн. Уый тыххæй йæ пресс-конференцийы фехъусын кодта республикæйы Сæргълæууæджы Уынаффæгæнæг дзыллон футболы рæзты фарстаты фæдыл Гæззаты Юрий. Турниры архайыны тыххæй курдиаттæ балæвæрдтой 100 скъолайæ фылдæр. Финалон хаймæ хаст æрцæудзысты 8 командæйы районтæй æмæ 4 – Дзæуджыхъæуæй.  Ерысты архайдзысты 7 азæй 13 азы онг скъоладзаутæ. Æппæт командæтæ сифтонг кæндзысты сæрмагонд уæлæдарæсæй æмæ футболон пуртитæй. Турниры сæйраг нысан у сывæллæтты ргом спортмæ здахын, стæй ма сæрмагондæй футболы скъолатæн селекцион куыст бакæнын.