Ныхас цыд республикон бюджетыл. 2021-æм азæй фæстæмæ, регионы разамонæджы хъæппæрисæй, Цæгат Ирыстоны 10 милуан сомæй фылдæр паддзахадон контрактмæ бæстон цæстдард цæуы федералон къазнайы Управленийæ
Цæгат Ирыстоны Сæргълæууæг Сергей Меняйлойы разамындæй арæзт æрцыд коррупцийы ныхмæ къамисы æмбырд. Ныхас цыд республикон бюджетыл. 2021-æм азæй фæстæмæ, регионы разамонæджы хъæппæрисæй, Цæгат Ирыстоны 10 милуан сомæй фылдæр паддзахадон контрактмæ бæстон цæстдард цæуы федералон къазнайы Управленийæ. Хатдзæгты тыххæй радзырдта ведомствойы разамонæг Мырыкаты Марат. æдæппæтæй ивгъуыд аз бакуыстой 160 паддзахадон контракты онг. Сæ иумæйаг аргъ уыд 15 миллиарды æмæ 700 милуан сомы. Коррупцийы ныхмæ республикæйы Сæргълæууæджы Управленийы разамонæг Баскаты Эльбрус радзырдта кадрты службæйы куысты тыххæй. Рейтингмæ гæсгæ коррупцийы ныхмæ куысты хуыздæртæ систы куыст дæттыны комитет, адæймаджы бартæ хъахъхъæнæг аппарат, культурон бынтæ хъахъхъæныны комитет, цæстдарæн-нымайæн палатæ, мыхуыры хъуыддæгты æмæ дзыллон фæрæзты комитет, Кировы æмæ Рахизфарсы районты, стæй Дзæуджыхъæуы администрацитæ. Стыр æргом аздæхтой, коррупцийы ныхмæ закъонæвæрынад хицаудзинады оргæнты куыд æххæстгонд цæуы, уымæ.
