Командæтæ «Агъдау патруль» æмæ «Наследие» ныр нæ республикæйы кад хъахъхъæндзысты ерысты дыккаг къæпхæны
Цæгат Ирыстоны сбæрæг кодтой æппæтуæрæсеон ерыстæ «Человеческий фактор»-ы фыццаг къæпхæны уæлахиздзауты. Командæтæ «Агъдау патруль» æмæ «Наследие» ныр нæ республикæйы кад хъахъхъæндзысты ерысты дыккаг къæпхæны. Цæудзæн Стъараполы.Ерысты сæйраг нысан у – фæсивæды ахуыр кæнын алывæрсыг æххуыс кæныныл. Райдай психологон æххуысæй, æмæ фæуы фыццаг медицинонæй. Афæдзæй-афæдзмæ архайджыты нымæц рæзы. Ацы аз фыццаг къæпхæны Цæгат Ирыстоны архайдтой 11 командæйы. Нæ республикæйæн уый уыд æнæнхъæлæджы. Уæлахиздзауты бæрæг кодтой тестыты хатдзæгтæм гæсгæ. Балтæ нымайгæйæ, хынцтой æппæт лыстæг хъуыддæгтæ. Афтæмæй 3-аг бынат бацахста Цæгат Кавказы бархионтæн æххуысы командæ «Медоеды». Дыккаг бынаты аккаг сси командæ «Наследие». Фыццаг бынат та бацахста Цæгат Кавказы ххæон металлургон институты командæ «АГЪДАУ ПАТРУЛЬ». Фыццаг æмæ дыккаг бынат бацахсæг командæтæ нæ республикæйы номæй сæхи равдисдзысты регионты хсæн къæпхæны. Кæронбæттæн къæпхæн та арæзт æрцæудзæн Мæскуыйы. Уæ зæрдыл уын æрлæууын кæндзыстæм, ерыстæ «Человеческий фактор» арæзт фæцæуынц 2014-æм азæй фæстæмæ, Уæрæсейы æнæнхъæлæджы уавæрты министрады æвæстиаты психологон æххуысы Центры хъæппæрисæй.
