28 февраля 2023, 11:20
Цæгат Ирыстоны скъоладзаутæ дæттынц сæ физкультурон цæттæдзинады нормативтæ
Сæ программæйы – дугъы уайын, хи хæрдмæ ивазын, дæргъмæ гæпп кæнын
Цæттæ дæн фæллоймæ æмæ хъахъхъæнынадмæ. Цæгат Ирыстоны скъоладзаутæ дæттынц сæ физкультурон цæттæдзинады нормативтæ. Сæ программæйы – дугъы уайын, хи хæрдмæ ивазын, дæргъмæ гæпп кæнын. Ерысты рæстæг сбæрæг рæзгæ фæлтæры иумæйаг спортивон цæттæдзинад. Акцийы архайджытæ сты, 18 азы онг кæуыл цæуы, ахæм фæсивæд. Тæрхонгæнджытæ зæгъынц, хуыздæр бæрæггæнæнтæ ис, уæлæмхасæн спортивон секциты чи архайы, уыдонмæ. Ерысты хатдзæгтæм гæсгæ, скъоладзаутæ райсдзысты сæрмагонд æвдисæндартæ. Уымæй уæлдай, скæндзысты Цæгат Ирыстоны иугонд командæ, æмæ уый та архайдзæн фестивалы æппæтуæрæсеон къæпхæны.
темæмæ гæсгæ