16 ноября 2022, 11:37
Цæгат Ирыстоны социалон æмæ гуманитарон иртæстыты институты арæзт æрцыд Сæлбиты Тамиры чиныджы презентац
Чиныг баст у историк æмæ ахуыргонд Уарзиаты Вилены номарынимæ
Цæгат Ирыстоны социалон æмæ гуманитарон иртæстыты институты арæзт æрцыд Сæлбиты Тамиры чиныджы презентаци. «Ушел собирать этнографический материал». Чиныг баст у историк æмæ ахуыргонд Уарзиаты Вилены номарынимæ. Зындгонд ирыстойнаг этнолог, историон наукæты кандидат, Цæгат Ирыстоны паддзахадон университеты профессор ма у 100 наукон куыстæй фылдæры автор. Се хсæн – ирон адæмы бæрæгбæтты æмæ культурæйы тыххæй бындурон иртæстытæ. Уæлдай æргом ма здæхта Кавказы адæмтимæ бастдзинадмæ. 1995-æм азы йын саккаг кодтой Уæрæсейы наукæты Академийы стипенди. Ацы аз Уарзиаты Виленыл хъуамæ сæххæст уыдаид 70 азы. Чиныг рухс федта рауагъдад Проект-прессы. Йæ тираж у 300 экземпляры.
