Уый тыххæй республикæйы информацион технологиты æмæ бастдзинады, стæй мидхъуыддæгты министрады минæвæрттæ фехъусын кодтой брифинджы рæстæг
Цæгат Ирыстоны социалон хызты ивгъуыд азы æрцыди 140 фыдракæндæй фылдæр. Уый тыххæй республикæйы информацион технологиты æмæ бастдзинады, стæй мидхъуыддæгты министрады минæвæрттæ фехъусын кодтой брифинджы рæстæг. Сæлбиты Алан æмæ Теблойты Алан журналисттимæ фембæлды æрдзырдтой интернеты адæймагæн цы тæссаг хъуыддæгтимæ йæ бон у сæмбæлын, уый тыххæй. Уый, цæстфæлдахæн митæ, хакерты хъуыддæгтæ, банчы хыгъдæй æхца давыны мадзæлттæ. Цæгат Ирыстоны кусы, социалон хызты цæстфæлдахæн митæ чи кæны, ахæм фыдгæнджыты бæрæг кæныны тыххæй сæрмагонд къорд. Сæлбиты Аланы ныхæстæм гæсгæ, профилактикон мадзæлттæ æмæ æмбарынгæнæн куысты фæрцы адæм къаддæр хъыгдард æййафдзысты фыдгæнджытæ цæстфæливæн митæй.