Гимнасткæтыл цæуы, 6 азæй 18 азы онг, се хсæн куыд спорты мастертæ, афтæ спортивон фæндагыл нырма ныр чи æрлæууыди, ахæмтæ
Цæгат Ирыстоны тренировкæтæ кæнынц, Донецкæй цы сывæллæттæ ссыди, уыдон. Гимнасткæтыл цæуы, 6 азæй 18 азы онг, се хсæн куыд спорты мастертæ, афтæ спортивон фæндагыл нырма ныр чи æрлæууыди, ахæмтæ. Бирæтæн дзы сæвзæрд уавæры тыххæй психилогон æгъдауæй у зын, æмæ сын тренировкæтæ æнæмæнг сты æххуыс. Æрхæндæг кæнынц сæ ныййарджытыл дæр, уыдонæй та бирæты эвакуаци скодтой Ростовы облæстмæ. Æвзонг гимнасткæтæ тырнынц спорты бæрзæндтæм, æмæ архайынц сæ тых æмæ хъару куыстуарзондзинадæй равдисыныл. Рæзгæ фæлтæр Ирыстонмæ ссыдысты 3-æм мартъийы, æмæ иннæ бон райдыдтой тренировкæтæ кæнын. Нæ республикæмæ семæ ссыдысты сæ тренертæ дæр. Нырма уал спортсментæ тренировкæтæ кæнынц Дзæуджыхъæуы лицейы æмæ спортивон скъолайы.
