Абон Чырыстон диныл хæст адæм уæлдай тынгдæр мысынц диссаджы цау – Йесо Чырыстийы дзуарæвæрд Иорданы цæугæдоны
Цæгат Ирыстоны цæрджытæн ралæууыдысты доныскъæфæнтæ. Абон Чырыстон диныл хæст адæм уæлдай тынгдæр мысынц диссаджы цау – Йесо Чырыстийы дзуарæвæрд Иорданы цæугæдоны. Бæрæгбоны службæтæ уыдысты республикæйы æппæт аргъуанты. Донæй аргъауыны æгъдау сæххæст кæнынæн Цæгат Ирыстоны бацæттæ кодтой сæрмагонд бынæттæ: нæлгоймæгты моладзандоны раз, сылгоймæгты моладзандоны раз цады, Бирæгъзæнджы тæвд дæтты, Мæздæджы, станицæтæ Терскæйы æмæ Павлодольскæйы, Æрыдоны æмæ Хъæдгæроны. Æппæт уыцы бынæтты рад хастой ирвæзынгæнджытæ, бархионтæ, тагъд æххуысы бригадтæ, барадхъахъхъæнæн оргæнты æмæ бынæттон администрациты минæвæрттæ. Абон дæр адæм цæуынц аргъуантæм, сæхи фæдзæхсынц Хуыцауыл æмæ исынц дзуарæвæрд дон. Нымад куыд у, афтæмæй уыцы сыгъдæггонд донмæ ис бирæ хорз миниуджытæ. Адæмы дзæбæх кæны алы низтæй, ирвæзын сæ кæны сæ тыхст уавæрæй.
