Абон уымæй уæлдай Чырыстон диныл хæст адæм мысынц диссаджы цау — Йесо Чырыстийы дзуарæвæрд Иорданы цæугæдоны
Цæгат Ирыстоны цæрджытæн ралæууыдысты доныскъæфæнтæ. Абон уымæй уæлдай Чырыстон диныл хæст адæм мысынц диссаджы цау — Йесо Чырыстийы дзуарæвæрд Иорданы цæугæдоны. Æхсæвы адæм сæхи цынадтой Тæмисчъы, Фыййагдоны, Æрыдоны æмæ Терчыдоны. Куыд æрвылаз, афтæ ацы хатт дæр республикæйы цæрджытæ æмæ уазджытæн найæн бынæттæ байгом кодтой сылгоймæгты моладзандоны раз цады, нæлгоймæты моладзандоны раз, Фыййагдоны донвæды, Бирæгъзæнджы тæвд дæтты, стæй Терчыдоны, станицæ Павлодольскæйы, Æрыдоны, Хъæдгæроны, Мæздæджы æмæ Терскийы станицæйы аргъуанты. Бæрæгбоны службæтæ ацыдысты республикæйы æппæт аргъуанты. Абон адæм цæуынц аргъуантæм, сæхи фæдзæхсынц Хуыцауыл æмæ исынц дзуарæвæрд дон. Уыцы сыгъдæггонд донмæ ис бирæ хорз миниуджытæ. Адæмы дзæбæх кæны алы низтæй, ирвæзын сæ кæны сæ тыхст уавæрæй.
