Форум æххæст кæнгæйæ, арæзт æрцыд Федералон архивон агентады разамонæг Андрей Артизовы фембæлд нæ республикæйы архивон службæйы кусджытимæ
Цæгат Ирыстоны цæуы Хуссар æмæ Цæгат Кавказы федералон зылдты архивон уагдæтты наукон-методикон советты иумæйаг æмбырд. Форум æххæст кæнгæйæ, арæзт æрцыд Федералон архивон агентады разамонæг Андрей Артизовы фембæлд нæ республикæйы архивон службæйы кусджытимæ. Æрныхас кодтой материалон-техникон бындуры актуалондæр фарстатыл. Стыр æргом аздæхтой центрон архивон службæйæн нырыккон бæстыхай аразынмæ. Уым хъахъхъæд цæуынц революцийы агъоммæ 332 мин хъуыддаджы. Сæ мидис та у, абарæн кæмæн нæй, ахæм. Йæ фылдæр хай дзурæг у Терчы облæсты раздæры территорийы чырыстон дин сног кæныны тыххæй хъусынгæнинаг. Ног бæстыхай саразынæн бакуыстой проектон-сметон документацийыл. Сæйраг паддзахадон экспертизæ йын скодта æвæрццæг хатдзæгтæ. Уымæй дарддæр Дзæуджыхъæуы сбæрæг кодтой, ног объект кæм фæзындзæн, уыцы зæххы хай.
