Архайы дзы 80 конкурсанты онг Цæгат Кавказы æмæ Хуссар федералон зылдтæй
Куыд ма хъусын кодтам, афтæмæй Цæгат Ирыстоны цæуы профессионалон арæхстдзинадæй национ чемпионаты æвзарæн къæпхæн, йе нæниздзинад хъыгдард кæмæн у, ахæм адæмы хсæн. Архайы дзы 80 конкурсанты онг Цæгат Кавказы æмæ Хуссар федералон зылдтæй. Сæ зонындзинæдтæ æвдисынц скъоладзаутæ, студенттæ æмæ специалисттæ. Ерыс кæнынц 7 компетенцимæ гæсгæ. Æвзарæн чемпионат «Абилимпикс»-ы фæз дыккаг бон бабæрæг кодта республикæйы Сæргълæууæг Сергей Меняйло. Аныхас кодта архайджытимæ æмæ эксперттимæ. Аргъ скодта, ерыстæ куыд цæуынц, уымæн. Экспертты сæйраг хæс у федералон къæпхæнмæ тыхджындæрты равзарын. Экспертты хсæн уыдысты Волгоградæй уазджытæ дæр. Регионы разамонæг телефонæй аныхас кодта йæ хорз æмбал, губернатор Андрей Бочаровимæ, æмæ йæ фæхуыдта нæ республикæмæ, колледж бабæрæг кæнынмæ.
