18 апреля 2025, 10:37
Цæгат Ирыстоны цæуынц тренировкæтæгæнæн æмбырдтæ нæ бæстæйы грекъаг-римаг хъæбысæй хæцджытæн
Цæттæгæнæн куыст цæудзæн 21-æм апрелы онг Хæдарцаты Асланы номыл хъæбысхæсты академийы
Цæгат Ирыстоны цæуынц тренировкæтæгæнæн æмбырдтæ нæ бæстæйы грекъаг-римаг хъæбысæй хæцджытæн. Цæттæгæнæн куыст цæудзæн 21-æм апрелы онг Хæдарцаты Асланы номыл хъæбысхæсты академийы. Национ командæ арæзт æрцыд, Уæрæсейы юниорты хсæн фыццаг бынат бацахсыны ерысты хатдзæгтæм гæсгæ. Иугонд командæйы хыгъды нæ бæстæйы 100 хуыздæр богалы. Се хсæн — цæгатирыстойнаг спортсментæ дæр. Дзæуджыхъæуы уал сæхи цæттæ кæнынц сезоны сæйраг ерыстæм — Европæйы æмæ дунейы турниртæм. Ахæм æмбырдтæ нæ республикæйы фæцæуынгц æппынæдзухдæр.
темæмæ гæсгæ
