02 августа 2022, 10:14
Цæгат Ирыстоны тыгъдбыдырты тæссаг у зынгсирвæзтытæй, уæлдай тынгдæр цæстдаринаг сты хæххон районтæ
Уый тыххæй аппаратон æмбырды фехъусын кодта вице-премьер Томайты Ирбег
Цæгат Ирыстоны тыгъдбыдырты тæссаг у зынгсирвæзтытæй, уæлдай тынгдæр цæстдаринаг сты хæххон районтæ. Уый тыххæй аппаратон æмбырды фехъусын кодта вице-премьер Томайты Ирбег. Æнæнхъæлæджы цауты министрады специалисттæ кусынц сæрмагонд уавæрты. Æмбырды ныхас цыди коронавирусы уавæрыл дæр. Куыд фæнысан кодтой, афтæмæй ивгъуыд къуыри рынчын адæмы бæрц гыццыл фæфылдæр.
Аппаратон æмбырды бæстон ныхас цыди, скъолатæ ног ахуыры азмæ куыд цæттæ сты, ууыл дæр. Сентябры фыццæгæм къласмæ бацæудзæн 9 мин сывæллонæй фылдæр. Фæкæсынхъуаг æмæ бирæсывæллонджын бинонты сабитæн скъоламæ бацæттæ кæндзысты кусæнгæрзты хызынтæ. Куыст цæуы ахуыргæнджыты фæсурокты куысты мыздыл дæр.
