Хицæн экспозици баст уыдзæн, 2004-æм азы сентябры фыццаг бонты скъолайы чи куыста, уыцы журналистты куыстытимæ
Цæгат Ирыстоны журналистты Цæдис æмбырд кæны æрмæджытæ, сæрмагондæй терроризмы профилактикæйы Æппæтадæмон культурон-патриотон центр «Беслан. Школа №1»-æн. Хицæн экспозици баст уыдзæн, 2004-æм азы сентябры фыццаг бонты скъолайы чи куыста, уыцы журналистты куыстытимæ. Æппæтадæмон культурон-патриотон центры директор Сохиты Ларисæ куыд фехъусын кодта, афтæмæй, уыцы уæззау бонты журналисттæ цы æрмæджытæ æмбырд кодтой, уыдон ныртæккæ тынг ахсджиаг сты, канд трагикон цаутæ хъуыды кæнынæн нæ, фæлæ ма цæмæй нæ бон уа Беслæны тыххæй документалон рæстдзинад дзурынæн. 2004-æм азы Беслæны æврихъау цауты чи куыста, уыцы журналистты хъæуы анкетæ баххæст кæнын. Ныммыхуыр æй кодтой Цæгат Ирыстоны журналистты цæдисы сайты.
