50 экспертæй фылдæр Уæрæсейæ æмæ Казахстанæй сæмбырд сты, цæмæй æрныхас кæной рагон цæугæцардгæнæг культурæтæ куыд фæзындысты, ууыл
Цæгат Кавказы гуманитарон æмæ социалон иртæстыты институты арæзт æрцыд 12-æм æппæтуæрæсеон наукон конференци «Сæрмæтты археологийы æмæ историйы фарстатæ». 50 экспертæй фылдæр Уæрæсейæ æмæ Казахстанæй сæмбырд сты, цæмæй æрныхас кæной рагон цæугæцардгæнæг культурæтæ куыд фæзындысты, ууыл. Цæгат Ирыстоны, куыд æмтгæй Цæгат Кавказы, конференци цæуы фыццаг хатт. Фæуыдзæн 22-æм майы. Программæйы сты цалдæр тематикон блокы æмæ бæстон ныхас сæрмæтты культурæйы тыххæй. Уымæй дарддæр архайджытæ бабæрæг кæндзысты нæ регионы археологон цыртдзæвæнтæ. Се хсæн Зилгæйы рагон горæт æмæ Дæргъæвсы некрополь. Зæгъдзыстæм ма уый дæр, æмæ конференци саразыныл бакуыстой Уæрæсейы уæлдæр ахуырады æмæ наукæйы Министрад, Уæрæсейы наукæты академийы дзæуджыхъæуккаг наукон центр, археологийы институт æмæ Цæгат Ирыстоны гуманитарон æмæ социалон иртæстыты институт.
