Ныр сæ руаджы студенттæн æнцондæр уыдзæн фæлварæнтæ, ног лабороторон кустытæ кæнын, стæй ахуыр кæнын физикæйы фæзындтытæ канд теорийы нæ, фæлæ ма практикæйы дæр
Цæгат-Кавказы хæххон-металлургом институты лабораторийæн нырыккон кусæнгæрзтæ балæвар кодтой «Курчатовы институты» наукон-иртасæн центры минæвæрттæ. Ныр сæ руаджы студенттæн æнцондæр уыдзæн фæлварæнтæ, ног лабороторон кустытæ кæнын, стæй ахуыр кæнын физикæйы фæзындтытæ канд теорийы нæ, фæлæ ма практикæйы дæр. Уæдæ балæвар кодтой скъолаты кусæнгæрзтæ дæр. Цæгат Кавказы хæххон металлургон институты фæнд кæнынц алы къуыри, цыппæрæмты аразын вебинартæ республикæйы скъоладзаутимæ, мæй иу хатт та кусæнгæрзтимæ балц кæнын ахуырадон бæстыхæйттæм, цæмæй скъоладзаутæ сæхæдæг кæной эксперименттæ. Сывæллæттæн бамбарын кæнын, физикæ цымыдисаг кæй у – уый у сæйраг хæс. Уымæй уæлдай ма нырыккон кусæнгæрзтæ слæвар кодтой ЦИПУ-йы физикон-техникон факультетæн дæр. Курчатовы институты минæвæрттæ куыд зæгъынц, афтæмæй уый руаджы физикæ нæ республикæйы рацæудзæн ног æмвæзадмæ.
